संजय रायमुलकर जोमात तर सिध्दार्थ खरात कोमात !
मेहकर (अनिल मंजुळकर. रोखठोक न्युज वृत्तसेवा )
मेहकर तालुक्यातील ग्रामीण भागातील काँग्रेसच्या पदाधिकाऱ्यांची लक्ष्मण दादा घुमरे यांनी ही निवडणूक लढवावी असा सर्वांनुमते निर्णय झाला.
25 ऑक्टोबर रोजी मेहकर तालुक्यातील काँग्रेस पक्षातील पदाधिकारी व प्रमुख कार्यकर्त्याची बैठक तालुका काँग्रेस कमिटीच्या कार्यालयामध्ये नंदूभाऊ बोरे यांच्या अध्यक्षतेखाली संपन्न झाल्याने मेहकर मतदारसंघात विधानसभेची निवडणूक लढविण्यासाठी सज्ज असणारे उध्दव ठाकरे गटाकडून सिध्दार्थ खरात समोर पेच निर्माण झाला आहे .
मेहकर मतदार संघातील काँग्रेसच्या चार नेत्यांनी या मतदारसंघातून निवडणूक लढवण्याची तयारी दर्शवलेली होती आमच्या पैकी कोणालाही उमेदवार म्हणून द्यावी व हा मतदारसंघ काँग्रेसला सोडवावा म्हणून त्यांनी अथक प्रयत्न पक्षपातळीवर व हायकमांड कडे केले. महाविकास आघाडीच्या वाटाघाटी मध्ये हा मतदारसंघ शिवसेनेच्या उबाठा पक्षाकडे गेला आहे .
त्यामुळे काँग्रेस पक्षाच्या कार्यकर्त्यांमध्ये प्रचंड नाराजी पसरलेली आहे. आजच्या बैठकीमध्ये पदाधिकाऱ्यांनी भावना व्यक्त करत असताना काँग्रेस पक्षावर अन्याय झाल्याचे तसेच या मतदारसंघातील नेते लक्ष्मण दादा घुमरे यांच्यावर अन्याय झाल्याचे नमूद करून आपण ही निवडणूक लढवावी .
आम्ही सगळे आपल्या पाठीशी आहोत तनमनधनाने आम्ही आपणास मदत करू अशा पद्धतीचे प्रत्येकाने आपले मत व्यक्त केले.
लक्ष्मण दादा घुमरे यांनी पक्षाचा व अपक्षाचा फॉर्म भरावा. अजून काही दिवस वेळ आहे पुन्हा काही जागावर बदल होत आहेत व तसे न झाल्यास निवडणूक लढवावी अशा पद्धतीचे आव्हान सगळ्यांनी केले.
यावेळी सर्वश्री नंदूभाऊ बोरे,वसंतराव देशमुख नाझीम भाई कुरेशी, देवानंद पवार, भास्करराव ठाकरे, संतोषराव नरवाडे, अभिमन्यू नवले, विनायक टाले, डॉक्टर शेषराव बदर, साहेबराव खंडारे, ज्ञानेश्वर काठोळे, राजाराम वाटसर, वामनराव मोरे, भानुदास अजगर, दिलीप बो, भूषण काळे, प्रकाश देशमुख, श्रीकृष्ण देशमुख, संजय सुळकर, विश्वास दुतोंडे, गणेश विलास गवई, गणेश मोसंबे, श्रीधर लहाने, अशोक उबाळे, संतोष खरात, दिलीप राठोड, दत्ता गिऱ्हे डॉक्टर रामेश्वर देशमुख, श्रीचंद पवार, अनिल देशमुख, रमेश राठोड, रमेश तांगडे, तुकाराम चव्हाण इत्यादींनी आपले प्रखर असे मत व्यक्त केले.
सर्वांची मते ऐकून घेऊन आणि सर्वांनी केलेल्या विनंतीला मान देऊन, व तिथे उपस्थित असलेल्या इतरही पदाधिकाऱ्यांच्या आग्रहास्तव लक्ष्मण दादा घुमरे यांनी दिनांक 28 तारखेला काँग्रेस पक्षाचा व अपक्षाचा फॉर्म भरण्याचा निर्णय घेतला आहे.
त्या कार्यक्रमाचे संचालन राजेंद्र गायकवाड यांनी केले व आभार मा नामदेवराव राठोड यांनी मानले.
